طريقة عمل الناجتس
المقادير:
750 جم صدور دجاج
3معلقة بصل باودر
2معلقة ثوم باودر
2معلقة نشا
معلقة بهارات دجاج
كوب دقيق
2بيض
1/2 كوب لبن
2كوب قلب توست محمص ومطحون او ممكن استبدال التوست بالفينو (يعني بقسماط مطحون)
1/2 كوب كورن فليكس مطحون
التحضير:
حطيت كل المقادير مع بعض ماعدا 1/2 معلقة من الثوم الباودر+1/2 معلقة من البصل الباودر
يعني حطيت (الفراخ +معلقتين ونصف توم باودر+معلقتين ونصف بصل باودر+النشا+بهارات الفراخ )
ونفرمها
هنجيب بلاستك فيلم اللي مش عندة كيس بلاستك عادي جدا
هنفردة في صانية
هنفرد خليط الفراخ المفروم بارتفاع 1/2 سم بالشكل دة
ثم نقفل الصانية بورق البلاستك تاني ونسيبها في الفرريز 1/2 ساعة
نجيب بقي قطاعات اشكال
وقطعتهم بيها
نيجي بقي للخليط بتاعنا
البيض علية فلفل اسمر واللبن
الدقيق علية 1/2 معلقة الثوم الباودر والبصل الباودر فاكرينهم اللي سبناهم فوق
والبقسماط علي الكورن فليكس
هناخد شكل شكل ونخلي بالنا براحة خالص نحطها في البيض واللبن ثم الدقيق ثم البيض واللبن ثم في البقسماط علي الكورن فليكس
وحمرتها في زيت غزير
الرئيسية
